Паян Ҫӗнӗ Шупашкарта пӗр арҫын 101-мӗш маршрутпа ҫӳрекен автобусра ҫапӑҫма пуҫланӑ.
Хайхискер ӳсӗр пулнӑ. Вӑл хӗрарӑмпа вӑрҫӑнма тытӑннӑ. Сӑмахпа кӑна хирӗҫмен, хӗрарӑма питӗнчен ҫапнӑ.
Юрать, водитель пулӑшнӑ. Вӑл ӳсӗр пассажира салонран кӑларса янӑ.
Общество транспортӗнче билет хакӗ ӳсесси пирки унта та кунта калаҫни илтӗнкелет. Ӗнер Шупашкартан Ҫӗнӗ Шупашкара ҫӳрекен маршрутсем ҫинче пушӑн 10-мӗшӗнчен хаксем ӳсесси пирки пӗлтерӳсем курӑнма пуҫланӑ.
Унта ҫырнӑ тӑрӑх, карттӑпа тӳлесен билет 37 тенкӗ пулӗ, карттӑсӑр - 40 тенкӗ. Хальхи хаксем вара ҫапларах: карттӑпа тӳлесен билет 34 тенке кайса ларать, унсӑр - 37 тенке.
Ӗнер Ҫӗнӗ Шупашкарта ҪҪХПИ инспекторӗсем "вунтӑваттӑмӗш" машинӑпа пынӑ водителе чарӑнма ыйтнӑ. Анчах руль умӗнчи хӗр чарӑнман, тарма пуҫланӑ.
Анчах тарнӑ чухне хӗр аварие лекнӗ. Унӑн права та ҫук иккен. Вӑл - автошкул курсанчӗ.
Хӗр каланӑ тӑрӑх, вӑл руль умне лариччен пӗр кӗленче сӑра ӗҫнӗ. Анчах медосвидетельсвовани вӑл урӑ пулнине кӑтартнӑ.
Аварире "Хендай" пассажирӗ аманнӑ.
Паян, Тӑван ҫӗршыв хӳтӗлевҫин кунӗнче, Шупашкарта автобусра икӗ арҫын ҫапӑҫнӑ.
"Про Город" хаҫата халӑх корреспонденчӗ пӗлтернӗ тӑрӑх, 13 сехет ҫурӑра Ҫӗнӗ Шупашкара ҫӳрекен 331-мӗш автобусра ӳсӗр арҫын ҫывӑрнӑ. "Модӑсен ҫучӗ" чарӑнӑва ҫитсен водитель ӑна вӑратнӑ та тухма ыйтнӑ. Лешӗ киӗшмен. Водитель ӑна ҫамкипе ҫапнӑ. Хӑйӗн куҫ харши ҫурӑлса кайнӑ. Пассажирӑн вара пичӗ суранланнӑ. Кун хыҫҫӑн ӳсӗр арҫын салонран тухнӑ.
Атӑл ҫинче тетелпе пулӑ тытнӑ ҫынна тытса чарнӑ. Ӑна транспорт полицийӗн Чӑваш Енри лини уйрӑмӗн ӗҫченӗсем асӑрханӑ.
Ку мелпе Ҫӗнӗ Шупашкарта пурӑнакан арҫын тытнӑ. Вӑл – 35 ҫулта. Хайхискер Шупашкар ГЭСӗ патӗнче юраман вырӑнта тетелпе пулӑ тытса ларнӑ.
Йӗрке хуралҫисем тетелне, пулла туртса илнӗ. Халӗ кун тӗлӗшпе тӗрӗслев иртет.
Канмалли кунсенче Ҫӗнӗ Шупашкарта "Сокол" чарӑнура пысӑк "Волгабас" автобуссем тӑнине асӑрханӑ. Ахӑртнех, вӗсем маршрут ҫине тухнӑ.
Аса илтерер: кунашкал 15 автобус 2021 ҫулхи авӑн уйӑхӗнче ҫӳреме пуҫланӑ. Вӗсен "Шупашкар (Университет) - Ҫӗнӗ Шупашкар (Сокол)" маршрут пулнӑ. Анчах 2022 ҫулхи ҫу уйӑхӗнче автобуссем маршрут ҫинчен ҫухалнӑ, вӗсен вырӑнне кӑвак "Ивекӑсем" ҫӳреме пуҫланӑ. УФАС вара маршрут ҫине пысӑк автобуссене тавӑрма ыйтнӑ.
Сарту хулинче ака уйӑхӗн 21-26-мӗшӗсенче Раҫҫейри ҫамрӑксен XXII Дельфы вӑййисем иртӗҫ.
Чӑваш Енрен унта Шупашкарти Э. Юрьев ячӗллӗ 4-мӗш художество шкулӗнче, Шупашкар муниципалитет округӗнчи Тутаркассинчи ача-пӑча ӳнер шкулӗнче, Ҫӗнӗ Шупашкарти музыка шкулӗнче, Шупашкарти Ф. Павлов ячӗллӗ музыка училищинче, Шупашкарти художество училищинче, Чӑваш Республикин культура институчӗпе колледжӗнче вӗренекенсем хутшӑнӗҫ.
Ӗнер, нарӑс уйӑхӗн 16-мӗшӗнче, Шупашкарта пурӑнакан арҫын, 1952 ҫулта ҫуралнӑскер, Атӑл урлӑ йӗлтӗрпе каҫма шутланӑ та чутах путса вилмен.
Республикӑри ҫӑлавпа шырав служби пӗлтернӗ тӑрӑх, арҫын йӗлтӗрпе пынӑ чухне ҫӳхе пӑр тӗлӗнче анса кайнӑ. Юрать-ха, йӗлтӗр патакӗсем пулӑшнипе тухайнӑ. Кун хыҫҫӑн вӑл леш енчи дачӑсем патне ҫитсе типӗ тум тӑхӑннӑ.
Арҫын шыва кӗрсе ӳкни пирки ҫӑлавҫӑсем патне те хыпар ҫитнӗ. Вӗсем ӑна дачӑсем патӗнче шыраса тупнӑ. Арҫын медпулӑшу илме хирӗҫленӗ.
Шупашкарти троллейбус управленине республика харпӑрлӑхне парасшӑн. Проекта ЧР Экономика министерстви хатӗрленӗ.
Документра палӑртнӑ тӑрӑх, управленипе пӗрле пӗтӗм пурлӑх республика харпӑрлӑхне куҫӗ. Ҫав йышра – администраци ҫурчӗсем, подстанцисем, депосем, складсем, ытти ҫурт.
Республика харпӑрлӑхне куҫсан вӑл «Троллейбус управленийӗ» унитари предприятийӗ ятлӑ пулӗ. Ун йышне Ҫӗнӗ Шупашкарти троллейбус управленийӗ те кӗрӗ.
Пуш уйӑхӗнчи илемлӗ кунсенче – 03.03.2023 тата 23.03.2023 – Чӑваш Енре 80 ытла мӑшӑр пӗрлешме палӑртнӑ.
Пушӑн 3-мӗшӗнче 51 ҫемье чӑмӑртанӗ. Вӗсенчен 15-шӗ – Шупашкарта. Пуш уйӑхӗн 23-мӗшӗнче вара 35 мӑшӑр пӗрлешӗ. Ытларахӑшӗ Шупашкарта тата Ҫӗнӗ Шупашкарта хут уйӑрттарӗ.
Сӑмах май, кӑҫал пуш уйӑхӗнче республикӑра 241 мӑшӑр пӗрлешме заявлени панӑ.
+0.3 °C